د زده کوونکو دوامداره رخصتي د زده کړو بهیر له خنډ سره مخ کوي

دهیواد دګرمو  سیمو  ښوونیز مرکزونو  ته  چې په  دوبي کې  د زیاتې ګرمۍ له امله رخصت ورکول کیږي،  نباید زده کوونکي  درخصتي په پوره کیدو ښوونځیو ته دتلو څخه ډډه وکړي  او یا په یوه او بله بهانه له ښوونځي څخه تیښته ولري، ځکه دا د دوی پر زیان تمامیږي.
خو سږکال د څلورنیم میاشتنۍ آزموینې وروسته ښوونځي د لسو ورځو لپاره رخصت شول، ولې بیاهم د پوهنې وزارت د پریکړې په اساس د رخصتي موده بیا ځلې د لسو ورځو لپاره تمدید شوه.  د ښوونځیو د رخصتي په پوره کیدو بیا هم ډیري زده کوونکي  ښوونځیو ته نه ورتل او دیوې اونۍ په تیریدو دلوی اختر د رخصتیو ورځې را ورسیدې  او داختر ورځې چې تیرې شوې، نو په دې ځل هم زده کوونکي په ډول ډول بهانو چې رخصتي ده اویا داچې داونۍ له پیله درسي بهیر پیلیږي. دا د دوی غلط  فکرونه  او د لټۍ په لومه کې راګیږ زده کوونکي دي، چې له ښوونځیو څخه تیښته لري. خو په اصل کې   زده کوونکي  په خپلو  درسونو کې لویه ضربه ویني، چې  ددوی درسي کتابونه  په بشپړ ډول  نه لوستل  او ښوونیز نصاب  له پلانه پاتې کیږي.

سوله؛ دسولې نړیوالې ورځې په مناسبت

د سولې نړیواله ورځ ؛ په افغانستان او دنړۍ په نورو هیوادونو کې هرکال  د وږي  دمیاشتې په ۳۰ مه نیټه  لمانځل کیږي. 
خو ددې ورځې لمانځنه  دهیواد په ټولو ولایتونو کې اړین بريښي، چې په ځانګړې ډول د دغې ورځې یادونه وشي، ځکه افغانانو  دڅولسیزو جګړو قرباني شوي او دغه لړۍ اوس هم دوام لري. نو ددې ورځې یاد په خلکو کې دیوالي او وحدت ښکارندويي کوي، دولت او  ولس  دواړه په هیواد کې د ډاډمنې او تلپاتې سولې هلې او ځلې پیل  کړي او مخالفې لورې ته دې  وویل شي، چې نور د دولت غیږه ستاسو پر مخ خلاصه ده،په ډاډه زړه  راتلای شئ، چې د سولې لاره غوره کړئ .

د لوګر والي د جمعې لمونځ د واغجان په جامع جومات کې اداء کړ

( تلې ۷ ـ جمعه)

د لوګر والي محمد حلیم فدايي چې د امنیې قوماندان لوی پاسوال عصمت الله علیزی، د څلورمې پلې لواء قوماندان جنرال عبدالرازق ساپی، د محمدآغې ولسوال محمد رحیم امین، د محمدآغې شاروال عصمت الله ستانکزی او نور مسولین هم ورسره وو د جمعې لمونځ د واغجان بازار په جامع جومات کې اداء کړ او د تېرې ورځې د پېښې شهیدانو فاتحه یې واخستله.

د واغجان بازار شا ته د طالب وسله والو په کمین کې ۳ تنه ملکي وګړي شهیدان او ۳ تنه ټپیان شول

( تلې ـ ۶ ـ پنجشنبه)
پېښه نن مازدیګر په ۴:۱۰ بجو د واغجان بازار شاته را منځته شوه، چېرته چې طالب وسله والو سیمه ایزو پولیسو ته کمین نیولی وو.
د لوګر ولایت والي د وسله والو طالبانو یاده کړنه په کلکو ټکو سره وغندله، او د محمدآغې ولسوال ته یې هدایت وکړ چې د شهیدانو او ټپیانو د کورنیو سره د فوري مرستې پخاطر دې د شهیدانو او ټپیانو د حقوقو فورمې ژر تر ژره ترتیب، او کورنیو ته دې یې د جلالتمآب ولسمشر د غمشریکۍ پیغام ورسوي.

فساد کم ترکمه 10 ډولونه لري!

 فساد Corruption ګندګي، شر، بوى او چټلي ته وايي او له اصطلاحي پلوه له عامه واک څخه د شخصي ګټو د تامين لپاره ناوړه ګټه اخيستنې ته فساد وايي (ويکيپيډيا) او تر ټولو ستر فساد وضع شئ فى غير محله چې همدا د ظلم تعريف هم دى او ظلم په خپله فساد دى.

فساد 10ډولونه لري:
۱ - ادارې administrative فساد لکه اوږده بيوروکراسي، کار اهل کار ته نه سپارل، رشوت، اختلاس، وظيفوي غفلت، د مراجعينو کارونه ځنډول او يا په کې خنډونه پيدا کول او نور.
۲ - سياسي political فساد لکه په ناحقه د خپل حزب، ډلې، سمت، قوم پلوي او يا پر همدې بنسټ په استخدام، انفکاک، قرارداد او نورو کې مداخله او فشارونه اچول.
۳ - ديني religious فساد لکه په وړه خبره او يا ګناه په چا د کافر، منافق فاسق فاسد، يهودي، جاسوس، مرتد او فتوا يا ټاپه لګول او نور او په مجموع کې په مسلمان کفري ټاپه لګول او د قران او حديث تحريفول.
۴ - اخلاقي moral فساد لکه زنا، لواطت، بجه بازي، شراب، چرس، نشه اى توکې او نور.

ستانکزی: شامل ساختن پروژه های انکشافی و زیربنایی در بودجه سال ۱۳۹۷ در اولویت کاری ما قرار دارد

۱۳۹۶/۰۷/۰۵

الحاج محمداکبر ستانکزی نماینده منتخب مردم لوگر در شورای ملی میگوید که هدف شان از دیدار ها با رؤسای ادارات دولتی لوگر اولویت بخشیدن به پروژه های زیربنایی ، پیشنهادات به بودجه آینده ، نظارت و ارزیابی و راه حل به چالش های موجود می باشد که به همین منظور سفر های ولایتی خویش را به لوگر آغاز کرده اند.

برای مشاهده تصاویر بیشتر اینجا کلیک کنید!

د مستري زلمي لومړۍ شعري ټولګه «د مستري چیغه » چاپ شوه

 د لوګر د تکړه شاعر مستري زلمي ستانکزي د نوې شعري ټولګې « د مستري چیغه » د مخکتنې غونډه نن چهارشنبه د ولایت مقام دغونډو په تالار کې جوړه شوې وه.
په یاده غونډه کې د لوګر والي محمد حلیم فدایي، د اطلاعات او فرهنګ رئیس محمد شفیق پوپل سربیره لسګونه شاعرانو، لیکوالانو، ژورنالیستانو او په شعر او ادب مئینو ځوانانو برخه اخیستې وه.
دغونډې ويناوالو په چمتو شويو مقالو کې د « د مستري چیغه » شعري ټولګې پر ارزښت او د مستري زلمي د ادبي هڅو په اړه خبرې وکړې.
ویناوالو په خپل وار د ادب په ډګر کې، د نوموړي هڅې وستايلې او د يادې ټولګې دخپراوي په وياړ يې ښاغلي ستانکزي، درنې کورنۍ، او د ادب ټولو مينه والو ته مبارکي وړاندې کړه.
دوی همدا راز د لوګر له والي څخه د خوښۍ څرګندولو ترڅنګ غوښتنه وکړه چې، د ځوانانو او اديبانو د هڅونې لپاره دې ورته غونډې او ادبي ناستې جوړې کړي.

د مهاجرينو د ښارګوټې تفصيلي پلان نهايي او لاسليک شو

تلې پنځمه 1396

کابل- د ښار جوړوني او مسکن وزارت جلالتمآب وزير سيد سعادت منصور نادري او د لوګر د والي ښاغلي محمد حليم فدايي له لورې د مشرانو جرګې ددوهم مرستيال ښاغلي ډاکټر محمد آصف صديقي، او نورو دولتي مسوولينو په ګډون د لومړي ځل لپاره په پلعلم کې د راستنيدونکو مهاجرينو د ښارګوټې لپاره تفصيلي پلان نهايي او نن لاسليک شو.

محمداکبر آخندزاده که یک متنفذ قومی بود عصر امروز در ولایت لوگر ترور شد

افراد مسلح ناشناس یک متنفذ قومی ولسوالی خروار را در هونی سفلی مربوط مرکز ولایت لوگر عصر امروز ترور کردند.
سلیم صالح نطاق مقام ولایت لوگر میگوید که این متنفذ قومی محمداکبر آخندزاده نام داشت و باشنده اصلی قریه سلام خیل ولسوالی خروار بود.
در پیوند به این رویداد تاکنون کسی بازداشت نشده است.

د لوګر د کلنګارجهادي لېسې د کرکټ لوبغاړي وستایل شول

دلوګر د پوهنې ریاست د کلنګار جهادي د هلکانو لېسې ۵۵ تنه پیاوړي او غوره لوبغاړي د یوې غونډې په ترڅکې وستایل. 
په یاده ستاینغونډه کې تدریسي مرستیالې مینه سادات، د بدني،روزنې او سپورت مدیر نثاراحمد نوري، د کلنګارلېسې مدیر حسیب الله، ښوونکو او زده کوونکو برخه اخیستې وه. 
د لوګر د پوهنې ریاست ویاند محمد شاپورعرب وویل، چې په دې غونډه کې د کرکټ ۵۵ تنو غوره لوبغاړو ته ستاینلیکونه، کپونه ، مډالونه، ورزشي جامې او ځینې نور ډالۍ ورکړل شوې.

 د کابل لوګر ددوهم لاين له چهار آسياب تر محمدآغې پورې د اسفالت اچولو کار پيل شو

د کابل لوګر ددوهم لاين له چهار آسياب تر محمدآغې پورې د اسفالت اچولو کار پيل او راتلونکې اونۍ به رسما پرانستل شي.
درېيم فيز له محمد آغې تر پلعلم پورې د تدارکاتو په نهايي مرحله کې ده.
اول فيز له حضوري چمنه تر چهارآسياب پورې تدارکاتو ته د سپارلو مرحله کې دى.

د خواشینۍ پیغام

سه شنبې د تله ۴ مه
په ډېرې خواشینۍ سره مو تر لاسه کړ، چې د بره کي راجان د هلکانو لېسې ښوونکی عبدالصبور د غلام رسول زوی شهید شوی دی.
نوموړی ښوونکی درې ورځې مخکې د افغان امنیتي ځواکونو او وسلوالو مخالفینو د شوې نښتې له امله خپل ژوند له لاسه ورکړی دی.
د بره کي برک ولسوالۍ د پوهنې آمریت وایي، چې نوموړی استاد ښوونځي ته پر لاره، د یوه هاوان مرمۍ د لګېدو په پېښه کې په شهادت رسېدلی دی.
شهید استاد عبدالصبور شاوخوا ۶۳ کاله عمر درلود او له تېرو ۲۰ کلونو راپدیخوا د بره کي راجان د هلکانو په لېسه کې د ښوونکي مقدسه دنده ترسره کوله.

لوګر ولایت کې د کرنیزو محصولاتو نندارتون پرانیسته وشوه

(تله-۳) نن ورځ د لوګر ولایت د کرنې ریاست لخوا د کرنیزو محصولاتو نندارتون په پیل کې د لوګر والي محمد حلیم فدايي،د کرنې رئیس محمدالدین مومند،د ادارو رئیسانو،دهقانانو او قومي مشرانو ګډون کړی و.
په پیل کې د کرنې ریس ووېل ددغه نندارتون هدف په لوګر ولایت کې د ټولو کرنیزو محصولاتو پېژندنه ، د کرنیزو تولیداتو راټولول او نمایش دی ، ریس وویل کروندګرو ته دا ژمنه ورکوو چې دوی کومې ستونزې لري د هغوی ستونزې به حلوو او سهولتونه به ورته برابروو.

په لوګر کې د میوو نندارتون انځورونه دلته وګورۍ!

د محمدآغې د نجونو ښوونځي پرانیستي دي

پل علم، د لوګر د پوهنې ریاست د مطبوعاتو دفتر، دوشنبې، د تلې ۳ مه

 د لوګرد پوهنې ریاست د رسنیو او ټولنیزو پاڼو له لارې هغه خپاره شوي آوازې ردوي، چې کواګې د محمدآغې د نجونو ښوونځي تړل شوي. 
په یاده ولسوالۍ کې دا مهال د نجونو شته ښوونځي نه دي تړل شوي او ټول د زده کوونکو پرمخ پرانیستي دي.
د محمدآغې د نجونو ښوونځیو مدیرانې، سرښوونکې، ښوونکې او زده کوونکې وایي، چې د دوی ښوونځي هیڅ چا نه دي تړلي او ټول فعال دي. 
هغوی زیاتوي،چې د ښوونځیو د تړل کیدو په هکله د رسنیو له لارې خپاره شوي راپورونه ناسم دي او دوی یې ردوي. 
د مغل خیلو د نجونو لېسې مدیره زرغونه روستایي وایي، چې په روان ښوونیز کال کې د نجونو ښوونځیو درسي بهیر له کوم خنډ سره نه دی مخ شوی.

د محمدآغې د نجونو ښوونځي د پرانیستي انځورونه دلته وګورۍ!

چاودنې د یوې کورنۍ پنځو غړو ته مرګ ژوبله واړوله

 په لوګر ولایت کې د چاودنې له امله ملکي وګړو ته مرګ ژوبله اوښتې ده. د لوګر سیمه ییز چارواکي وايي، چې نن له غرمې وړاندې د ازرې ولسوالۍ په پتېخیلو کلي کې په یوه کور کې چاودنه شوې. د لوګر د والي ویاند سلیم صالح وایی، چې په دغه چاودنه کې یو تن وژل شوی او د یوې ښځې په ګډون څلور کسان ټپیان شوي هم دي. د نوموړي په وینا یاده چادونه د استوګنې په کور کې د یوې زړې مرمې د چاودنۍ له امله رامنځته شوې، چې پنځو کسانو ته پکې مرګ ژوبله اوښتې ده.

د څلورو لویو اساسي سړکونو د کار د پیل لپاره 25 کسیزه کمېټه وټاکل شوه

 پرهمدې تړاو د لوګر ولایت په محمدآغې ولسوالۍ کې د وږی په ۲۴مه نیټه غونډه جوړه شوې وه چې په ولسي جرګه کې د لوګر د خلکو استازو هر یو الحاج محمد اکبر ستانکزي ، حاجي صاحب خان ، حاجي علي محمد شهیدي ، د مشرانو جرګې دویم مرستیال محمد آصف صدیقي ، د کلیو او پراختیا وزیر نصیر احمد دراني د لوګر والي محمد حلیم فدایي ، د ولایتي شورا غړو او د محمدآغې ولسوالۍ قومي مشرانو ګډون کړی وو.
غونډه په محمد آغې ولسوالۍ کې د څلورو لویو اساسي سړکونو د جوړېدو په پار جوړه شوې وه، چې په دغو سړکونو کې د سرخاب ، برګ ، زرغون ښار او دهنو سړکونه شامل وو.

دخواشينۍ او ډاډ ګيرنې پيغام

دپښتو ژبې ځلانده ستورى راپريوت؛

دپښتو ژبې ليکوال او شاعر استاد سعدالدين شپون د ورپيښې ناروغۍ له امله په ابدي خوب بيده او له دې فاني نړۍ څخه د تل لپاره رخصت واخيست.

انالله وانااليه راجعون

استادسعدالدين شپون دپښتو ادبياتو لويه هستي وه، چې نه يواځې دپښتو د ژبې ادبياتو په پياوړتياکې خدمت ګاللي ٶ؛ بلکې د ژورناليزم په ډګر کې هم ستر خدمتونه ترسره کړي دي.  ډيرکلونه يې په امريکا غږ راډيو کې دپښتو د څانګې له تکړه او نوموتو ويندويانو څخه شميرل کيده، ارواښاد په دې ورستيو وختونو کې په افغانستان کې اوسيده او دهيواد دولايتونو په فرهنګي ناستو او مشاعرو کې ګډون کول، چې تيرکال دلوګر ولايت دسنځل ګل په يوولسمه دوديزه ميلې او مشاعرې کې هم برخه اخيستې وه.

سومین سالروز شهادت لمړی بریدمن احمد منصور ستانکزی افسر قومندانی امنیه ولایت لوگر

این مبارز وقهرمان که فداکارانه  وجان بازانه در راه دفاع  مردم ووطن خویش می رزمید بتاریخ ۹ ماه حمل سال ۱۳۹۴ در اثر دسیسه یک تعداد خاینین و وطن فروشان به قسم دوستانه دعوت ومسموم گردید که بعداً ربوده شد و در ولسوالی چرخ به شکل بسیار ظالمانه و دور از کرامات انسانی به شهادت رسید.

یادت جاویدانه باد!

ای قهرمان وطن وتاریخ روحت شاد ویادت گرامی !

((شمشیر تیز بدست افسرشجاع داده میشود))

ازسخنان احمد منصور ‹‹ستانکزی››

ما په مخ باندی کفن د غیرت کش کړو
لوگریانو د لوگر عزت به ساتئ

دنیکمرغه لوی اختر په مناسبت دمبارکۍ پیغام!

دنیکمرغه  لوی اختر په مناسبت؛ زه په خپل وارسره  دافغانستان ټول ملت، داسلامي هیوادونو ټولو مسلمانانو  او په ځانګړې ډول دلوګرمجاهدپال، باب العلم او شهیدپرور ولس  ته د زړه له کومي مبارکي وایم.

څښتن تعالی دې وکړي ، چې دغه اختر دافغانستان دتل پاتې سولې، امن، یوالي، وروولۍ اودخوښیوڅخه ډکې هیلی او آرزوګانې ولري. هیڅ افغان نور په ویر او ماتم کیني نه؛ په هیوادکې دجنګ ځای سوله ونیسي او هیوادوال وکولای شي، چې په امن کې دملي او مذهبي ورځو لمانځنه ترسره کړي.

په لوګر کې د امريکايي ځواکونو د هوايي بريد له امله د ښځو او ماشومانو په ګډون ٢٨ ملکي وګړي وژل شوي دي

د لوګر د مرکز اړوند د شت باري سيمې اوسېدونکي وايي، نن سهار امريکايي ځواکونو په دې سيمه کې پر يوه کور هوايي بريدونه کړي چې په وینا یې ددغه کور ټول اوسیدونکي وژل شوي. 
د سيمې اوسېدونکي وايي په دغه پېښه کې وژل شوي کسان اصلي د خوست اوسېدونکي وو، خو اوس په دې سيمه کې اوسېدل چې په وینا یې له ٢٨ تر ٣٢ کسانو په بمبار شوي کور کې ژوند کاوه.
د لوګر د والي وياند هم وايي، چې په دشت باري سيمه کې پر يو کور هوايي بريدونه شوي او په وینا یې په دې پېښه کې ملکي وګړو ته مرګ ژوبله اوښتې، خو کره شمېره يې تر اوسه معلومه نه ده.