د لوګر د جباري په کلي کې یو نوی لومړنی ښوونځی تاسیس شو

پل علم
د خپرونو او اطلاع رسولو مدیریت
یکشنبه، شعبان المعظم ۲۱ مه ، کب ۱۳ مه

د لوګر ولایت مرکز پل علم اړوند جباري کلي کې د احرار په نوم د هلکانو او نجونو یو نوی لومړنی ښوونځی تاسیس شو.

دا ښوونځی د یادې سیمې اوسېدونکو د غوښتنې له مخې د پوهنې ریاست او د پل علم د پوهنې آمریت د نه ستړي کېدونکو هلو ځلو په پایله کې د پوهنې وزارت له منظورۍ وروسته تاسیس شوی دی.

دغه نوی ښوونځی به په راتلونکي ښوونیز کال کې د زده کوونکو پرمخ پرانیستل شي، چې په پرانیستلو سره به یې د ۳ سیمو شاوخوا ۵۰۰ ماشومانو ته د زده کړو زمینه برابره شي.

د لوګر د محمدآغې ولسوالۍ د پوهنې کارکوونکو، ښوونکو او د والدینو شورا غړو ته روزنیز ورکشاپ پیل شو

پل علم
د خپرونو او اطلاع رسولو مدیریت
یکشنبه، شعبان المعظم ۲۱ مه ، کب ۱۲ مه

د لوګر د محمدآغې ولسوالۍ د پوهنې آمریت ۲۸۵ تنو کارکوونکو،د ښوونځیو مدیرانو، د سیمه ییزو ټولګیو ښوونکو او د والدینو شورا غړو ته د ماشومانو د حقونو پېژندنې په تړاو څلور ورځنی روزنیز ورکشاپ پیل شو.

د لوګر د پوهنې ریاست ته د څښاک پاکو اوبو څاه وکېندل شوه

پل علم
د خپرونو او اطلاع رسولو مدیریت
پنجشنبه، شعبان المعظم ۱۷ مه ، کب ۱۰ مه

د لوګر ولایت د پوهنې ریاست په انګړ کې د څښاک د پاکو اوبو د یوې ژورې څاه د کېندلو کار بشپړ شو .

دا څاه د پوهنې وزارت په عادي بودجې د ۱۶۰ مترو په ژوروالي کېندل شوې ده چې د آببازک سیستم لري.

د پل علم ښوونکو ته د علمي او مسلکي سویې لوړولو په موخه روزنیز ورکشاپ پیل شو

پل علم
د خپرونو او اطلاع رسولو مدیریت
چهارشنبه، شعبان المعظم ۱۷ مه ، کب ۹ مه

د لوګر مرکز پل علم اړوند د ۳۵ لېسو او منځنیو ښوونځیو ۱۵۰ تنو ښوونکو ته د علمي او مسلکي سویې لوړولو په موخه اته ورځنی روزنیز ورکشاپ پیل شو.

د یاد ورکشاپ د پیل په مراسمو کې چې د حضرت عمر فاروق (رض) د هلکانو په لېسه کې جوړه شوې وه د پوهنې ریاست د عمومي زده کړو او د ښوونکو د روزنې مرستیال حاجي محمد ابراهیم حمدي په ګډون د ساینس او ښوونیزې ټکنالوژۍ مرکز علمي او کدري غړو او د وفا موسسې مسوول قاري عبدالحفیظ نوري برخه اخیستې وه.

په لوګر کې د پوهنې له بهیر سره د خلکو مرستې ډېرې شوې دي

پل علم
د خپرونو او اطلاع رسولو مدیریت
سه شنبه، شعبان المعظم ۱۶ مه ، کب ۸ مه

د لوګر ولایت د پوهنې له بهیر سره د پوهنې مینه والو د روان ۱۴۰۲ لمریز کال په اوږدو کې د نږدې لس میلیونه افغانیو په اندازه په بیلا بیلو برخو کې مرستې کړې دي.

دا مرستې د پوهنې له ریاست سره په همغږۍ په مرکز او ولسوالیو کې د یو شمېر سودا ګرو، شتمنو خلکو او خیریه بنسټونو له خوا د پوهنې بهیر د پرمختګ او ستونزو د حل په موخه شوې دي.

د لوګر یوه زده کوونکي په ریاضي کې نوی فورمول کشف کړی

پل علم
د خپرونو او اطلاع رسولو مدیریت
دوشنبه، شعبان المعظم ۱۵ مه ، کب ۷ مه

د لوګر ولایت د محمدآغې ولسوالۍ اړوند د دهنو د هلکانو لېسې یو تن زده کوونکی د ریاضي یو نوی فورمول کشف کړی دی .

دا زده کوونکی احمد سمیر نومېږي ، د یادې لېسې د لسم ټولګي زده کوونکی دی او په خپل کوښښ او زیار سره یې د مطابقت یو فورمول کشف کړی دى.

د لوګر د پوهنې ریاست د سواد زده کړې کارکوونکو او ښوونکو ته روزنیز ورکشاپ پیل شو

پل علم
د خپرونو او اطلاع رسولو مدیریت
یکشنبه، شعبان المعظم ۱۴ مه ، کب ۶ مه

د لوګر د پوهنې ریاست د سواد زده کړې د ۳ کارکوونکو او ۵۴ ښوونکو د ظرفیت لوړاوي په موخه لس ورځنی روزنیز ورکشاپ شو.

دا روزنیز ورکشاپ د پوهنې یوې همکارې مؤسسې (HHOA) له خوا په لاره اچول شوی چې موخه یې د سواد زده کړې کارکوونکو او ښوونکو کاري ظرفیت لوړول دي.

د لوګر د پوهنې ریاست خپلو کلیوالي دیني مدرسو ته د نوېو درسي کتابونو د وېش بهیر پیل کړ

پل علم
د خپرونو او اطلاع رسولو مدیریت
یکشنبه، شعبان المعظم ۱۴ مه ، کب ۶ مه

د لوګر د پوهنې ریاست خپلو ۵۴ کلیوالي دیني مدرسو ته د ۲۲۴۶۸ ټوکه نوېو چاپ شوېو درسي کتابونو د وېش بهیر پیل کړ.

یاد کتابونه چې شاوخوا ۲۵۰ زره افغانۍ ارزښت لري څه موده مخکې د پوهنې وزارت له خوا نوي چاپ او دغه ریاست ته رالېږل شوي وو.

د لوګر د آبچکان په سیمه کې یو نوی لومړنی ښوونځی تاسیس شو

پل علم
د خپرونو او اطلاع رسولو مدیریت
یکشنبه، شعبان المعظم ۱۴ مه ، کب ۶ مه

د لوګر ولایت مرکز پل علم اړوند د آبچکان په کلي کې د آبچکان مرکزي په نوم د هلکانو او نجونو یو نوی لومړنی ښوونځی تاسیس شو.

یاد ښوونځی د پوهنې ریاست او د پل علم د پوهنې آمریت د ستړي کېدونکو هلو ځلو په پایله کې د پوهنې وزارت له منظورۍ وروسته تاسیس شوی دی.

لوګر کې ۱۵۰ تنه ښوونکي له روزنیز ورکشاپ څخه فارغ شول

پل علم
د خپرونو او اطلاع رسولو مدیریت
شنبه، شعبان المعظم ۱۳ مه ، کب ۵ مه

د لوګر د محمدآغې ولسوالۍ د ۲۵ منځنیو ښوونځیو او لېسو ۱۵۰ تنه نارینه او ښځینه ښوونکي د علمي او مسلکي وړتیا لوړونې له روزنیز ورکشاپ څخه فارغ شول.

د یادو ښوونکو د فراغت په مناسبت د محمدآغې د هلکانو په عالي لېسه کې مراسم جوړ شوي وو چې په کې د پوهنې ریاست د عمومي زده کړو او د ښوونکو د روزنې آمر حاجي ابراهیم حمدي، د ساینس او ښوونیزې ټکنالوژۍ آمر قاري محمد یعقوب اورمړ، د پوهنې آمر مولوي عبدالله محمدي، محمدآغې لېسې آمر عبیدالله جهاني او روزل شویو ښوونکو ګډون کړی وو.

د لوګر د پوهنې ریاست ته د یوې ژورې څاه د کېندلو کار پیل شو

پل علم
د خپرونو او اطلاع رسولو مدیریت
پنجشنبه، شعبان المعظم ۱۱ مه ، کب ۳ مه

د لوګر ولایت د پوهنې ریاست ته د څښاک د پاکو اوبو ستونزې لرې کولو په موخه د یوې ژورې څاه د کېندلو کار پیل شو .

دغه څاه د پوهنې ریاست په وړاندیز د پوهنې وزارت پر بودجې د ۱۶۰ مترو په ژوروالي کېندل کېږي، چې لګښت یې ۲۶۲ زره افغانۍ اټکل شوی دی.

د لوګر د پوهنې ریاست د عمومي زده کړو او د ښوونکو د روزنې آمر د محمدآغې ولسوالۍ د ښوونکو له روزنیز ورکشاپ څخه لیدنه وکړه

پل علم
د خپرونو او اطلاع رسولو مدیریت
چهارشنبه، شعبان المعظم ۱۰ مه ،کب ۲ مه

د لوګر ولایت د پوهنې ریاست د عمومي زده کړو او د ښوونکو د روزنې آمر حاجي ابراهیم حمدي د محمدآغې ولسوالۍ د ښوونکو له روزنیز ورکشاپ څخه لیدنه وکړه.

هغه د دې لیدنې پر مهال د نوموړي روزنیز پروګرام له ګډون کوونکو ښوونکو څخه وغوښتل،چې له دغه روزنیز پروګرام څخه پوره ګټه واخلي او له دې لارې خپلې علمي او مسلکي وړتیاوې لاپسې لوړې کړي.

د لوګر د پوهنې ریاست په راتلونکي لمریز کال کې ۱۲ ښوونځي جوړوي

د خپرونو او اطلاع رسولو مدیریت
دوشنبه، شعبان المعظم ۸ مه ، سلواغې ۳۰ مه

د لوګر ولایت د پوهنې ریاست په راتلونکي ۱۴۰۳ لمریز کال کې د ۱۲ ودانۍ نه لرونکو ښوونځیو لپاره معیاري ودانۍ جوړوي.

یاد ښوونځي د دغه ریاست د مسوولینو له پرله پسې غوښتنو،وړاندیزونو او هلو ځلو وروسته د پوهنې له وزارت سره په همغږۍ د ملګرو ملتونو د ماشومانو د ملاتړ صندوق (یونیسف)په مالي لګښت جوړېږي.

د لوګر د پوهنې ریاست د خپل عملیاتي پلان په مټ د ترسره شویو کارونو ارزونه وکړه

د خپرونو او اطلاع رسولو مدیریت
دوشنبه، شعبان المعظم ۸ مه ، سلواغې ۳۰ مه

د لوګر د پوهنې ریاست د روان ۱۴۰۲ لمریز کال په تېرو لسو میاشتو کې د خپل عملیاتي پلان له لارې د ترسره شویو کارونو د ارزونې په موخه غونډه جوړه کړه.

دا غونډه چې د پوهنې رئیس ښاغلي مولوي جنت ګل عزیز په مشرۍ د تضمین کیفیت آمریت له خوا جوړه شوې وه پکې د دغه ریاست مرستیالانو او عمومي مدیرانو برخه اخیستې وه.

د لوګر د مهاجرینو په ښارګوټي کې یو نوی لومړنی ښوونځی تاسیس شو

پل علم
د خپرونو او اطلاع رسولو مدیریت
چهارشنبه، شعبان المعظم ۳ مه ، سلواغې ۲۵ مه

د لوګر ولایت مرکز پل علم اړوند د مهاجرینو په ښارګوټي کې د صلاح الدین ایوبي په نوم یو نوی لومړنی ښوونځی تاسیس شو.

یاد ښوونځی د پوهنې ریاست او د پل علم د پوهنې آمریت د هلو ځلو په ترڅ کې د پوهنې وزارت له منظورۍ وروسته تاسیس شوی دی.

دغه ښوونځی به په راتلونکي نوي تعلیمي کال کې د زده کوونکو پرمخ پرانیستل شي، چې په پرانیستلو سره به یې شاوخوا ۵۰۰ ګډوالو ماشومانو ته د زده کړو زمینه برابره شي.

د لوګر د محمدآغې ولسوالۍ سلګونو ښوونکو ته روزنیز ورکشاپ پیل شو

پل علم
د خپرونو او اطلاع رسولو مدیریت
چهارشنبه، شعبان المعظم ۳ مه ، سلواغې ۲۵ مه

د لوګر د محمدآغې ولسوالۍ د ۲۵ لېسو او منځنیو ښوونځیو د ۱۵۰ تنو نارینه او ښځینه ښوونکو د مسلکي او علمي کچې لوړولو په موخه اته ورځنی روزنیز ورکشاپ جوړ شو.

د یاد ورکشاپ د پیل په مراسمو کې د پوهنې ریاست د عمومي زده کړو او د ښوونکو د روزنې آمر حاجي ابراهیم حمدي، د ساینس او ښوونیزې ټکنالوژۍ مدیر قاري محمد یعقوب اورمړ، د پوهنې آمر مولوي عبدالله محمدي او د ورکشاپ ګډون والو برخه درلوده.

د پل علم د پوهنې آمریت ودانۍ ورغول شوه

پل علم
د خپرونو او اطلاع رسولو مدیریت
سې شنبه، شعبان المعظم ۲ مه ، سلواغې ۲۴ مه

د لوګر ولایت مرکز پل علم د پوهنې آمریت ودانۍ تر بیا رغول کېدو وروسته ګټې اخیستنې ته چمتو شوه.

یاده ودانۍ چې د کوچیانو په لېسه کې موقعیت لري د پوهنې ریاست په هلو ځلو د پوهنې وزارت پر بودجې بیا رغول شوې ده.

لوګر کې ۱۳۷۰ کسانو ته د سواد زده کړې ورکړل شوې

پل علم
د خپرونو او اطلاع رسولو مدیریت
یکشنبه، رجب المرجب ۳۰ مه ، سلواغې ۲۲ مه

د لوګر ولایت د پوهنې ریاست د سواد زده کړې پروګرام له لارې ۱۳۷۰ تنه نارینه او ښځینه د سواد له نعمت څخه برخمن شول.

یادو کسانو ته د نهو میاشتو په موده کې د سواد زده کړې په جوړ شویو ۷۴ کورسونو کې د سواد زده کړې ورکول شوې دي چې په کې ۷۱۴ تنه نارینه او ۶۵۶ تنه ښځینه شامل دي.

د لوګر د پوهنې ریاست کارکوونکو ته ورکړل شوي دیني درسونه ډېر اغیزناک تمام شوي

پل علم
د خپرونو او اطلاع رسولو مدیریت
یکشنبه، رجب المرجب ۳۰ مه ، سلواغې ۲۲ مه

د لوګر ولایت د پوهنې ریاست کارکوونکو ته د دعوت او ارشاد څانګې له لوري ورکړل شوي دیني درسونه خورا مؤثر تمام شوي دي.

دا دیني درسونه د تېرو دوو کلونو راپدېخوا د پوهنې وزارت د دعوت او ارشاد ریاست د هدایت له مخې د کارکوونکو د دیني پوهې لوړولو په موخه پیل شوي دي.

دغه درسونه په اوونۍ کې دوه ځلې د دوشنبې او سې شنبې په ورځو کې د ښاغلي مفتي سید ضیاء احمد صارم احمدآغا له خوا چې د پوهنې ریاست د اسلامي زده کړو آمر او هم د دعوت او ارشاد څانګې مسوول دی د دیرشو دقیقو لپاره ورکول کېږي.

په لوګر کې له زرو زیات کسان د سواد له نعمت څخه برخمن شول

پل علم
د خپرونو او اطلاع رسولو مدیریت
سې شنبه، رجب المرجب ۲۵ مه ، سلواغې ۱۷ مه

د لوګر ولایت د پوهنې ریاست د سواد زده کړې د ۷۰ کورسونو له لارې ۱۰۲۴ تنه فارغ او د علم له ستر نعمت څخه برخمن شول.

د سواد زده کړې دا کورسونه د دغه ریاست د سواد زده کړې مدیریت په چوکاټ کې د (يونسکو) په مالي مرسته د ( HHOA) موسسې له لارې جوړ شوي وو.