پیـریـان څـه ډول مـخـلـوقـات دي!!!

پیریان (جنیات) لۀ اور څخه جوړ شوي دي دِ انسانانو پۀ څېر نر او ښځه، غم او خوشالي لري دِ شکل بدلولو قابلیت لري. پیریان دِ انسانانو پۀ څېر پښې،لاسونۀ، خولۀ، پوزه او سترګې لري. سترګې یې دِ الف پۀ شان افقي دي، پښې یې لنډې دي، اور تۀ ورتۀ رنګ لري. دِ پیریانو دِ اوسیدو ځای دښتې، بیابانونۀ، غرونۀ، هوا او زاړې ودانۍ دي. دِ دوی جسمونۀ ډېر لطیف او شفاف دي چې مړه شي ژر ورک کیږي. پیریان ډېر ژر پۀ غوسۀ کیږي؛ پۀ دوی کې ځینې دِ نرم مزاج والۀ هم شتۀ. دوی کولي شي چې لۀ 500 کالونو څخه تر 1000 کالونو پورې ژوند وکړي. هر پیری یو بچی نړۍ تۀ راوړي، دوی انسانانو تۀ دِ ړاندو خطاب کوي.

د پیریانو شتون په قران ثابت دی《سورت جن 14/اعراف 27》

دِ پیریانو پۀ نسل کې هم کافر پیریان شتۀ هم مسلمان.

پیریان هم لکۀ انسانان ځانتۀ نظام لري، پاچا، وزیر، پوځ او قوانین لري؛ دِ پیریانو پۀ پاچاهۍ کې هم تقوادار پیریان شتون لري چې ځانتۀ حلال رزق پیدا کوي او هم سرکش یا ظالم پیریان شتون لري چې انسانانو تۀ پۀ یوه نۀ یوه بهانۀ ځان ورګډوي مال یې لوټ کوي، تکلیف او ضرر ورکوي.

هغۀ پیریان چې غلا او ظلم کوي دِ هغوی لپاره خپلو تقوادارو او بزرګانو پیریانو زندانونۀ جوړ کړي، کلۀ چې پۀ غلا یا ظلم ولیدل شي نو زندان تۀ یې اچوي او سزا ورکوي.

دِ پیریانو زندانونۀ دومره سخت دي کچېرې یو پیری ور واچول شي نو بېرتۀ ترې هېڅ نشي راوتلی، دِ زندانونو پیرادران یې ټول قوي او طاقتور پیریان وي.

دِ پیریانو دِ زندانونو دروازې ډېرې جالېبې دي یعنې کوم کلف یا کیلي نلري بلکې دِ قران شریف پۀ ځانګړو ایتونو خلاصیږي چې دا کار پۀ دوی کې تر ټولو ایمانداره پیریان تر سره کوي. پۀ پیریانو کې هم جادوګران شتۀ یعنې دوی هم یو دِ بل پۀ مقابل کې جادو کاروي، خو کچېرې کوم جادوګر پیری ونیول شؤ نو سزا یې ډېر سختۀ ده.

دِ دې سېوا پیریان لۀ ځانګړو طلسماتو/طلسم څخه ګټۀ اخلي، طلسم دِ پیریانو ځانګړي کوډونۀ دي چې یوازې دوی پر دغۀ کوډونو خبر دي یعنې کچېرې یو پیری پۀ یوه دیوال کې ژوند کوي، نو خپل ځانګړی طلسم کاروي. لکۀ څۀ ډول چې موږ دِ موبیل لپاره کوډ/فاسورډ کاروو همداسې دوی دِ اوسیدو لپاره خاص طلسمات کاروي. خو ځینې داسې طلسمات هم شتۀ چې عادي پیریان پرې نۀ پوهیږې بغیر لۀ بزرګانو پیریانو څخه.

دِ وخت پۀ تېریدو سره ځینې طلسمات انسانانو هم زده کړل/زده کوي. یعنې دوی دا طلسمات دِ کوډو/سحر لپاره کاروي چې دِ دوی سره ځینې ظالم او خبیث پیریان مرستۀ کوي دغۀ طلسمات پۀ کتابونو کې نشتۀ پۀ سُریاني او عِبراني ژبو وي

(سُریاني عِبراني دِ پیریانو ژبې دي).

لۀ دوی څخه زیات طلسمات شرکیه دي یعنې انسان پرې مطلق اکبر شرق تۀ وړي او کافر کیږي یعنې کۀ تاسو لۀ دوی څخه ځینې زده کړئ او بیا پرې کوډې کوئ نو لۀ دین څخه ووځئ!

پیریان اکثره دِ 5 څخه تر 22 کالونو پورې پېغلې او ځوانانو تۀ زیات راځي او دِ دوی لۀ زورولو خوند اخلي. دِ راتګ وجۀ یې زیاتۀ خوشالي، زیات غم، زیات ډار، پۀ زور خندل، پۀ ناپامۍ کې دوی تۀ زیان رسول...او ځینې نور عوامل دي.

دِ پیریانو واکمني پۀ ځمکۀ کې پۀ لومړیو کې ډېره ښۀ وه خو الله (ج) دِ دوی ځای انسانانو تۀ ورکړ او لۀ دوی څخه یې زیات غرق کړل الله(ج) دوی تۀ دومره عزت ورکړی ؤ چې دِ اسماني خبرو دِ اوریدلو لپاره بۀ اسمان تۀ پورتۀ کیدل خو کلۀ چې محمد(ص) پیدا شؤ نو دوی اسمان تۀ لۀ ختلو منع کړای شول.

لۀ دوی څخه تر ټولو بختور او ایمانداره پیری صیلیبین ؤ چې پیغمبر (ص) تۀ یې مخامخ دِ قرانکریم تلاوت پۀ ښکلي غږ کې وکړ.

پیریاتو تۀ خدای اختیار ورکړی یعنې پۀ هر شکل ځان بدلولی شي

انجینیر محمدالله نوری صیب.