د افغانستان د دفاع وزارت ځوان سرپرست وزیر په یوه رسمي سفر مسکو ته تللی
د افغانستان د دفاع وزارت ځوان سرپرست وزیر په یوه رسمي سفر مسکو ته تللی او ټاکل شوې د نړیوال امنیتي کنفرانس په مهمو ناستو کې ګډون وکړي.
د یو شمېر سرچینو په وینا د دې سفر اصلي موخه یوازې په امنیتي غونډو کې ګډون نه دی بلکې امکان شته چې د روسیې او د افغانستان د اوسني حکومت ترمنځ د نظامي همکاریو او مرستو پر موضوع هم مهمې خبرې وشي.
څو ورځې وړاندې روسي چارواکو په رسمي څرګندونو کې ویلي وو چې له افغانستان سره د امنیتي او نظامي همکاریو ملاتړ ته چمتو دي، او شنونکي باور لري چې د مسکو دا سفر ښايي د هماغو ژمنو د عملي کېدو پیل وي.