د لوګر ۱۴۰ اوسېدونکو لپاره زده کړو ته د ماشومانې د هڅونې او لاس رسي په موخه ورکشاپ پیل شو.
پل علم
د لوګر د پوهنې ریاست د ویاند دفتر
سې شنبې، شوال ۱۲ مه، ثور ۱۲ مه
د لوګر ولایت ۱۴۰ تنو اوسېدونکو لپاره زده کړو ته د ماشومانو د هڅونې او لاس رسي په موخه د عامه پوهاوي درې ورځنی روزنیز ورکشاپ پیل شو.
د یاد روزنیز پروګرام د پرانیستنې په مراسمو کې د پل علم د پوهنې آمر انجینر حبیب نور حیدري او له خطر سره مخ ماشومانو نړېوالې موسسې ولایتي مسوول سعدالله فطرت برخه اخیستې وه .
دغه روزنیز ورکشاپ د پوهنې ریاست په بشپړې همغږۍ له خطر سره مخ ماشومانو نړېوالې موسسې په لاره اچولی دی ،چې ګډون کوونکي یې هم دیني عالمان،قومي مشران او ځوانان دي.
د دغه روزنیز پروګرام ګډون والو ته ښوونځیو او زده کړو ته د ماشومانو د هڅونې ، له زده کړو محرومو ماشومانو ته د زده کړو زمینې برابرولو او لاس رسي د لارو چارو په برخه کې روزنه ورکول کېږي.
په لوګر کې له خطر سره مخ ماشومانو نړېوالې موسسې ۷۰ کلیوالي ټولګي جوړ کړي ، چې د دغو ټولګیو په جوړولو سره شاوخوا ۵ زره ماشومانو ته د زده کړو زمینه برابره شوې ده.
