په لوګر کې د زیري خصوصي ښوونځي اداري او تدریسي چارې وارزول شوې.
پل علم
د لوګر د پوهنې ریاست د ویاند دفتر
دوشنبې، شوال ۱۱ مه، ثور ۱۱ مه
د لوګر ولایت مرکز پل علم اړوند د پوهنې آمر انجینر حبیب نور حیدري له خوا د زیري خصوصي ښوونځي اداري او تدریسي چارې وارزول شوې.
نوموړی نن له غرمې مخکې یاد ښوونځی ته تللی و څو د دغه ښوونځي روان درسي بهیر له نږدې وګوري او هم د ښوونکو او زده کوونکو ستونزې ، غوښتنې او وړاندیزونه واوري.
هغه په دې کتنه کې د نوموړي ښوونځي درسي بهیر، د زده کړو امکانات ، لابراتوار، کتابتون او نورې برخې وکتلې، د زده کوونکو استعدادونه یې وسپړل او هم یې د دوی پوهنېزې غوښتنې ، ستونزې او وړاندیزونه واورېدل.
د پل علم د پوهنې آمر د دغه ښوونځي ښوونکو او زده کوونکو ته هر اړخيزې اصلاحي خبرې، لازمې لارښوونې او سپارښتنې هم وکړې او له دوی څخه یې وغوښتل، چې ځانونه په نبوي سنتو او اخلاقو برابر کړي.